GALP Ría de Vigo A Guarda

O pasado 21 de febreiro  publicouse no DOGA a ORDE do 12 de febreiro de 2025 pola que se establecen as bases reguladoras para a concesión de axudas para proxectos ao abeiro das estratexias de desenvolvemento local participativo (EDLP), aprobadas aos grupos de acción local do sector pesqueiro (GALP) no marco do Fondo Europeo Marítimo, de Pesca e de Acuicultura 2021-2027, e se convocan as correspondentes ao ano 2025. Máis información: https://www.xunta.gal/.../AnuncioG0427-120225-0003_gl.pdf Preséntanos os teus proxectos antes do 21 de marzo. Para máis información, podes contactar connosco na Avenida de Beiramar, 49, Vigo (Pontevedra), no correo galp.mar.riadevigoaguarda@xunta.gal ou telefónicamente nos números: 986 358 109 / 646 873 106.

O martes, 18 de febreiro, estivemos no Instituto Politécnico Marítimo Pesqueiro do Atlántico de Vigo nunha xornada sobre emprego e oportunidades laborais no mar. Coa colaboración de Mariscadoras con ciencia, fixemos unha presentación da actividade pesqueira como oportunidade laboral ás persoas cursando estudos de marisqueo. O obxectivo é promover a remuda xeracional e fixar poboación no territorio.Para iso nada mellor que visibilizar o día a día do marisqueo a pé e das mulleres do mar, nunha conversa próxima con persoas que serán o relevo xeracional da profesión.

  O mércores, 12 de febreiro, celebrouse a segunda Xornada Informativa no salón de Plenos do Concello de Moaña. Nela contamos coa presenza da nosa vicepresidenta, Carmen Gallego, quen nos axudou a expoñer a actividade que realiza a nosa entidade en apoio de novos proxectos intersantes para o noso territorio e especialmente para o sector pesqueiro. 

  O pasado 11 de febreiro tivo lugar a primeira das Xornadas Informativas sobre a nova convocatoria de axudas dos #FondosEuropeos #FEMPA. Tivo lugar no Multiusos Ángel de Brediñana del Concello de Baiona, e queremos agradecer a presencia do seu alcalde, Jesús Vázquez Almuiña. 

Xornadas informativas sobre a nova convocatoria de axudas dos #FondosEuropeos #FEMPA 2025. Martes 11 de febreiro, ás 11.00h no Concello de Baiona (Multiusos Ángel de Bedriñana). Inscricións ata o 10 de febreiro, ás 12.00h, nesta ligazón: https://acortar.link/Jdls1L Mércores 12 de febreiro, ás 18.30h no Concello de Moaña (Salón de Plenos do Concello). Inscricións ata o 11 de febreiro, ás 12.00h, nesta ligazón: https://acortar.link/XSvqvj

O 30 de xaneiro a Confederación de Empresarios de Pontevedra acolleu unha reunión na que a nosa xerente, Elena Herbello, participou xunto con representantes do HubIN, DPI e outros axentes do ecosistema mar-industria, para presentar un mapa cos axentes e a súa implicación nas distintas áreas: infraestruturas, eventos, formación, asesoramento, incubación, aceleración, innovación e investimento / financiamento.

O pasado 21 de xaneiro a nosa xerente do Galp Ría de Vigo - A Guarda, Elena Herbello, desplazouse ata o Auditorio do Museo do Mar de Vigo para acudir a presentación da Rede de oficinas deseñadas para impulsar o desenvolvemento e a competitividade do sector pesqueiro, marisqueiro e acuícola da Xunta de Galicia un servizo de asesoramento e formación ás empresas e autónomos do sector. #FEMPA #FondosEuropeos

  O GALP Ria de Vigo-A Guarda aumenta a puntuación dos proxectos cuxos titulares pertenzan ó sector da pesca (confrarías de pescadores, asociacións de redeiras, OPP, asociacións de mexilloeiros, etc...) ou sexan familiares en 1º grao de consaguinidade Tamén se aumenta a valoración dos proxectos que colaboren con outras entidades e con universidades ou centros tecnolóxicos no seu desenvolvemento. Ademáis, se otorgarán 5 puntos aos proxectos que implanten medidas relacionadas coa protección do medioambiente (tales como a redución das emisións de carbono, a eficiencia enerxética, ou o aforro enerxético), a adaptación ao cambio climático ou a conservación dos recursos e do medio. Para máis información, pódese contactar co GALP na Avenida de Beiramar, 49, Vigo (Pontevedra), no correo galp.mar.riadevigoaguarda@xunta.gal ou telefónicamente nos números: 986 358 109 / 646 873 106.

A xerente do Galp Ría de Vigo - A Guarda, Elena Herbello, asistiu á presentación da nova campaña de Turismo Rías Baixas , que tivo lugar no hotel rural Numa Experimental. Cando volves? Unha campaña de promoción do destino Rías Baixas que revela a maxia do territorio.