8º CONGRESO DA REDE ESPAÑOLA DE MULLERES NO SECTOR PESQUEIRO

O concello de La Rápita, en Tarragona, acolleu o 8º Congreso da Rede Española de Mulleres no Sector Pesqueiro nos días 6 e 7 de xuño. A nosa delegación desprazouse ata a localidade para participar neste programa, o cal se dividiu en charlas e visitas.

Os temas que se foron a tratar:

- A substitución xeracional no sector pesqueiro

- A visibilización e o liderado

- As oportunidades e novas iniciativas para o futuro

- Algúns casos de éxito de proxectos de emprendemento e territorio en Cataluña.





A xornada comezou coas charlas coloquio e mesas redondas sobre a substitución xeracional, oportunidades e novas iniciativas, recoñecementos a mulleres referentes do sector, con intervención da nova presidenta de Anmupesca, Pilar Otero Fernández, directiva do noso GALP Ría de Vigo- A Garda e peche por parte do Ministro de Agricultura, pesca e alimentación, Luis Planas.


Na segunda xornada nos mostraron unha serie de casos de éxito en proxectos de emprendemento e territorio en Cataluña. Pero antes, a delegación galega recibiu a visita de Aurora de Blas, directora xeral de ordenación pesqueira e acuicultura do Ministerio de Agricultura, Pesca e Alimentación e tamén presidenta da Rede Española de Mulleres no Sector Pesqueiro. Tamén estivemos con Pilar Otero Fernández, directiva do noso GALP Ría de Vigo- A Garda e presidenta de Anmupesca; Mariña Álvarez, presidenta da Asociación de Redeiras do Baixo Miño, Atalaia; e á vicepresidenta desa asociación e presidenta da Asociación Galega de Redeiras, María Jesús González.


As mesas redondas e presentacións finalizaron coas intervencións de Cristina Massot, secretaria xeral do Departamento de Agricultura, Gandería, Pesca e Alimentación da Generalitat de Catalunya, e de Aurora de Blas, como presidenta da Rede Española de Mulleres no Sector Pesqueiro.


Chegou a quenda de comezar coas visitas a MónNatura Delta e á Lonxa da Rápita. Un centro da natureza que mostra distintos aspectos deste lugar e da vida das persoas que traballan nun escenario tan peculiar como é Delta do Ebro. Entre outras curiosidades, asistimos a unha demostración de “rall”, unha arte de pesca tradicional. A continuación visitamos a confraría de pescadores.

Con estas visitas de estudo finalizaron as actividades do 8º Congreso da Rede Española de Mujeres do Sector Pesqueiro, celebrado na Rápita, Tarragona.






Comentarios

Publicar un comentario

Publicacións populares deste blog

INTERCAMBIO DE EXPERIENCIAS CO GRUPO DE ACCIÓN COSTERA (GAC) DE TENERIFE

Imaxe
Unha representación da xunta directiva do GALP Ría de Vigo - A Guarda participa estes días nunha visita promovida polo Grupo de Acción Costera (GAC) de Tenerife, co obxectivo de realizar un intercambio de experiencias relacionadas co ámbito pesqueiro. Nesta viaxe á illa canaria desprazouse a nosa xerente, Elena Herbello Puentes, xunto con membros das Confrarías de Pescadores de Cangas (José Luis Martínez), Redondela (Dionisia Otero), Aldán-Hío (Juan Manuel Gregorio), Vilaboa (Patricia Lorenzo) e Arcade (Gonzalo Reinoso). Tamén viaxan na expedición representantes do GALP da Ría de Aurousa e do GALP da Ría de Pontevedra. A actividade, coa que se pretende coñecer a fondo as particularidades do sector pesqueiro das illas e descubrir experiencias que poidan ser replicadas no noso territorio, está a resultar moi produtiva, cunha intensa serie de visitas moi interesantes. A actividade comenzou cunha recepción do vicepresidente do GAC e una presentación resumen sobre o sector pesqueiro e acuíc...
Ler máis

DLP UN TERRITORIO SOSTIBLE

Imaxe
 O presidente do GALP Ría de Vigo - A Guarda, Juan Manuel Gregorio, e a nosa xerente, Elena Herbello, desprazáronse a Almería para participar na Sesión Plenaria da Red Española de Grupos de Pesca, 'DLP para un territorio sostible' As reunións de traballo desenvolvéronse ao longo de tres días, nos cales se analizaron a situación do sector, presentáronse diversas experiencias inspiradoras, visitáronse proxectos do Cabo de Gata e estudáronse interesantes propostas de turismo mariñeiro.  Na seguinte xornada compatibilizáronse as reunións de marcado carácter técnico (como a análise de situación e previsión de resultados do Desenvolvemento Local Participativo, a presentación da Rede Nacional de Turismo Mariñeiro ou a mostra de iniciativas exitosas desa especialidade turistica) cunha vista de campo, consiste nun achegamento a proxectos do territorio do Cabo de Gata e outros puntos de interese relacionados co sector pesqueiro.  Para despedirnos tivo lugar a clausura das xornadas ...
Ler máis

O GALP Ría de Vigo - A Guarda e ABANCA asinan un convenio para ofrecer novas vías de financiamento para o sector pesqueiro

Imaxe
O Grupo de Acción Local do Sector Pesqueiro (GALP) Ría de Vigo - A Guarda e ABANCA veñen de renovar a súa colaboración en materia financeira coa sinatura dun novo texto que inclúe diversas alternativas de financiamento, produtos axustados ás esixencias do sector pesqueiro, marisqueiro e acuícola, e unha atención especializada. Este acordo busca promover a modernización do sector pesqueiro, impulsando novas oportunidades de crecemento e mellorando a súa resiliencia fronte aos desafíos actuais.   O convenio foi asinado polo presidente do GALP Ría de Vigo - A Guarda, Juan Manuel Gregorio, e o director de ABANCA Mar, Javier Fraga, nun acto que simboliza a firme aposta de ambas as dúas entidades por fortalecer e acompañar a evolución dun sector clave para a economía e a cultura da rexión.   Vantaxes para os profesionais vinculados ao GALP Ría de Vigo - A Guarda A nova alianza pon especial énfase no acceso ao crédito. As entidades vinculados ao GALP e os proxectos presentados a este...
Ler máis