UNIDOS POLO DLP - Sesión plenaria da Rede Española de Grupos de Pesca

O presidente do GALP Ría de Vigo - A Guarda, Juan Manuel Gregorio, e a nosa xerente, Elena Herbello, participaron na sesión plenaria da REGP que se celebrou en San Cristóbal de La Laguna, Tenerife, dende o 12 ao 14 de maio. 


O primer día tivo lugar o acto inaugural coa benvida institicional de Cristina Ledesma, concelleira de Desenvolvemento Rural do Concello de San Cristóbal da Laguna; Valentín Esteban, conselleiro delegado do Sector Primario e Benestar Animal do Cabildo Insular de Tenerife e presidente do GALP de Tenerife; Esteban Reyes, director xeral de Pesca do Goberno de Canarias; e Aurora de Blas, presidenta da REGP e directora peral de Ordenación Pesqueira e Acuicultura, MAPA.


Rematando o día realizouse a VII entrega de ‘Recoñecementos de proxectos de boas prácticas’.





Continuando coa sesión, co obxetivo de compartir experiencias, explorar novas actividades que contribúan ao DLP e promover boas prácticas para o desenvolvemento pesqueiro sostible, o presidente Juan Manuel Gregorio, e a xerente, Elena Herbello, encontráronse xunto aos representantes doutros GALP das diferentes localidades de España. 


Neste segundo día fíxose un resumo sobre os proxectos FEMP, falouse sobre os inicios dos proxectos FEMPA e realizáronse visitas no Concello de Puerto de La Cruz.


Unha xornada chea de actividades onde tamén asistimos ás presentacións de Aurora de Blas, presidenta da REGP; á da Directora Xeral de Pesca, Marta Villaverde e de Rosa Chapela, representante de FAMENET.


Finalizamos a xornada do martes cun recibimento oficial no concello de Candelaria, onde posteriormente realizamos unha foto grupal xunto á estatua homenaxe ás mulleres do mar.




A xornada de clausura da Sesión Plenaria da Rede española de Grupos de Pesca iniciouse cunha mesa redonda sobre a economía azul, continuada cuns espazos para FAMENET e a propia REGP, sendo o último acto, unha emotiva homenaxe á figura de Ramón Morais, o fundador de Peixes Ramón.


Este empresario de 82 anos, natural da Gomera, está considerado como un exemplo inspirador por unha bagaxe profesional que, partindo duns inicios humildes, logrou consolidar unha das empresas máis importantes do sector pesqueiro de Canarias, converténdose nun exemplo para as novas xeracións que se propoñan incorporarse ao sector primario.



Comentarios

Publicar un comentario

Publicacións populares deste blog

INTERCAMBIO DE EXPERIENCIAS CO GRUPO DE ACCIÓN COSTERA (GAC) DE TENERIFE

Imaxe
Unha representación da xunta directiva do GALP Ría de Vigo - A Guarda participa estes días nunha visita promovida polo Grupo de Acción Costera (GAC) de Tenerife, co obxectivo de realizar un intercambio de experiencias relacionadas co ámbito pesqueiro. Nesta viaxe á illa canaria desprazouse a nosa xerente, Elena Herbello Puentes, xunto con membros das Confrarías de Pescadores de Cangas (José Luis Martínez), Redondela (Dionisia Otero), Aldán-Hío (Juan Manuel Gregorio), Vilaboa (Patricia Lorenzo) e Arcade (Gonzalo Reinoso). Tamén viaxan na expedición representantes do GALP da Ría de Aurousa e do GALP da Ría de Pontevedra. A actividade, coa que se pretende coñecer a fondo as particularidades do sector pesqueiro das illas e descubrir experiencias que poidan ser replicadas no noso territorio, está a resultar moi produtiva, cunha intensa serie de visitas moi interesantes. A actividade comenzou cunha recepción do vicepresidente do GAC e una presentación resumen sobre o sector pesqueiro e acuíc...
Ler máis

DLP UN TERRITORIO SOSTIBLE

Imaxe
 O presidente do GALP Ría de Vigo - A Guarda, Juan Manuel Gregorio, e a nosa xerente, Elena Herbello, desprazáronse a Almería para participar na Sesión Plenaria da Red Española de Grupos de Pesca, 'DLP para un territorio sostible' As reunións de traballo desenvolvéronse ao longo de tres días, nos cales se analizaron a situación do sector, presentáronse diversas experiencias inspiradoras, visitáronse proxectos do Cabo de Gata e estudáronse interesantes propostas de turismo mariñeiro.  Na seguinte xornada compatibilizáronse as reunións de marcado carácter técnico (como a análise de situación e previsión de resultados do Desenvolvemento Local Participativo, a presentación da Rede Nacional de Turismo Mariñeiro ou a mostra de iniciativas exitosas desa especialidade turistica) cunha vista de campo, consiste nun achegamento a proxectos do territorio do Cabo de Gata e outros puntos de interese relacionados co sector pesqueiro.  Para despedirnos tivo lugar a clausura das xornadas ...
Ler máis

O GALP Ría de Vigo - A Guarda e ABANCA asinan un convenio para ofrecer novas vías de financiamento para o sector pesqueiro

Imaxe
O Grupo de Acción Local do Sector Pesqueiro (GALP) Ría de Vigo - A Guarda e ABANCA veñen de renovar a súa colaboración en materia financeira coa sinatura dun novo texto que inclúe diversas alternativas de financiamento, produtos axustados ás esixencias do sector pesqueiro, marisqueiro e acuícola, e unha atención especializada. Este acordo busca promover a modernización do sector pesqueiro, impulsando novas oportunidades de crecemento e mellorando a súa resiliencia fronte aos desafíos actuais.   O convenio foi asinado polo presidente do GALP Ría de Vigo - A Guarda, Juan Manuel Gregorio, e o director de ABANCA Mar, Javier Fraga, nun acto que simboliza a firme aposta de ambas as dúas entidades por fortalecer e acompañar a evolución dun sector clave para a economía e a cultura da rexión.   Vantaxes para os profesionais vinculados ao GALP Ría de Vigo - A Guarda A nova alianza pon especial énfase no acceso ao crédito. As entidades vinculados ao GALP e os proxectos presentados a este...
Ler máis